A provincia foi a segunda con máis controis realizados en Galicia, con 7.085 probas, mentres a comunidade pechou a campaña con máis de 800 resultados positivos
A provincia de Lugo pechou a última campaña especial de control de alcol e drogas da Dirección Xeral de Tráfico (DGT) con 152 condutores que deron positivo, do total dos 7.085 controis, segundo os datos feitos públicos este venres polo organismo estatal. A cifra sitúa a Lugo como a segunda provincia galega con máis positivos e moi preto Pontevedra con (150) e por (116) de ourense, mentres A Coruña encabezou a estatística con 448 casos.
Os controis, realizados entre o 13 e o 19 de xullo, deixan tamén outro dato significativo: Lugo foi a segunda provincia galega na que máis probas se efectuaron, cun total de 7.085 controis, só superada pola Coruña, onde se realizaron 17.426.
En conxunto, a campaña saldouse en Galicia con 866 resultados positivos entre alcol e drogas. Os axentes da Agrupación de Tráfico da Garda Civil practicaron 31.781 probas de alcoholemia, das que 547 foron positivas, o que representa o 1,7 % do total. No caso das drogas, realizáronse 939 tests, con 319 positivos, unha porcentaxe moito máis elevada, xa que supón o 34 % das probas efectuadas.
Lugo, entre as provincias con maior actividade de control
A elevada cifra de controis realizados en Lugo evidencia o importante despregamento levado a cabo pola Garda Civil de Tráfico na provincia durante esa semana. Aínda que os datos facilitados pola DGT non desagregan cantos dos 152 positivos corresponden ao consumo de alcol e cantos a drogas, o balance confirma que máis de cento cincuenta condutores foron detectados incumprindo a normativa.
A comparación co resto de Galicia tamén amosa que Lugo concentrou arredor do 22 % de todos os controis realizados fóra da provincia da Coruña, unha mostra da intensidade da campaña nas estradas lucenses.
