Os cines Codex estrearán este venres, 2 de outubro, «Narciso», unha película paraguaia dirixida por Marcelo Martinessi. A carteleira manterá tamén dous pases diarios de «A bola negra».
Ambientada no Paraguai de 1959, durante a ditadura de Alfredo Stroessner, «Narciso» segue a historia de Narciso Arévalos, un mozo apaixonado pola música nun momento no que o rock and roll comeza a escoitarse na radio e esperta tanto o interese da mocidade como a desconfianza do réxime. Tras o seu último concerto, Narciso aparece asasinado.
O filme está inspirado na novela homónima de Guido Rodríguez Alcalá, baseada na vida e no asasinato do locutor Bernardo Aranda.
