Neste derradeiro día das Festas do san Froilán a Alcaldesa, Lara Méndez, inaugurou na mañá deste luns a XVI Feira Medieval, e deseguido fixo unhas declaracións nas que facía un balance “moi positivo” dos festexos que hoxe rematan. A Feira Medieval, convertida nun referente no San Froilán,está a vestir de época a praza Pío XII e o contorno da Catedral, nun ambiente que contribuíron a crear os antigos alumnos da Escola de Artes Aplicadas Ramón Falcón. Postos de venda, cetrería, música medieval e queimada son parte das actividades programadas ao longo da xornada.
