A sección segunda da Audiencia Provincial de Lugo condenou a cinco anos de prisión a un avó por cometer un delito continuado de abuso sexual a menor de 16 anos sobre a súa neta.
Ademais, impúxolle a prohibición de aproximación á menor, ao seu domicilio, centro de estudos e outros lugares por ela frecuentados, así como de comunicarse con ela por calquera modo, durante oito anos. O tribunal considerou probado que “aproveitaba a discapacidade que sufría a menor para levar a cabo, en varias ocasións, tocamentos sobre a roupa, no peito e as nádegas”.
