No marco da campaña Nadalmente Lucense, ofrecerase formación e asesoramento in situ sobre escaparatismo, iluminación e packaging (envoltorios dos productos) aos establecementos comerciais e hosteleiros de Lugo, adheridos ao movemento Localmente Lucense.
Así o avanzou a alcaldesa de Lugo que explicou que “un equipo de profesionais poñerase a dispor dos comercios ou establecementos que así o desexen para asesorar, formar e sacar o maior proveito dos seus escaparates e locais; tamén se lles facilitará información e trucos para o aforro enerxético e a distribución dos seus produtos dunha forma sostible e creativa”.
Esta iniciativa enmárcase no Plan de dinamización do pequeno comercio e da hostalería posto en marcha dende a área de Desenvolvemento Local e Emprego que dirixe a edil Ana Abelleira. En total haberá 500 prazas dispoñibles e os interesados deberán inscribirse a través da páxina web http://localmentelucense.gal/escaparatismo/ para solicitar a formación.
