" />

A CIG denuncia a deriva de Abante B.P.O. Lugo e a situación de impago de salarios

Desde a CIG denuncian a situación de “absoluta deriva” pola que a que a empresa Abante B.P.O. Lugo está a pasar nos últimos tempos. Esta empresa que durante lustros foi referente do sector dos centros de chamadas na cidade de Lugo, primeiro como Sykes e despois como Abante B.P.O., encontrase actualmente nunha situación de ruinosa xestión cuxos episodios mais graves comenzaron no mes de decembro co impago da nòmina da paga extra de decembro, e que agora se agrava co impago da nómina de Febreiro.

“A pesar das promesas feitas polo suposto novo propietario no pasado mes de febreiro no que asegurou diante do Comité de Empresa que garantía o pago dos salarios mentres el estivese á fronte, a realidade é que a empresa non realizou o abono da nómina do mes de febreiro”, critica a CIG.

A esta situación que tildan de “extrema gravidade” hai que engadir unha practica absolutamente neglixente na xestión da empresa posto que desde a Empresa non hai ningunha persoa que “sirva de interlocutora válida para dar explicación ao respecto da situación”, o que supón, denuncian, unha situación de “absoluta indefensión e precariedade” para a plantilla que está a xerar situacións económicas dramáticas entre os traballadores e traballadoras, “ademáis de provocar situación de ansiedade, nervosismo e inseguridade entre os mesmos”, o cal ademáis repercute nun clima laboral absolutamente negativo.

“Ao deterioro da empresa que se manifesta claramente no impago de salarios hai que sumar outras decisións de extrema gravidade como é a recente perda dunha campaña da Comunidade Autónoma de Madrid, á que tras o vencemento do contrato, a empresa non se presentou ao novo concurso polo que a mesma venceu o pasado 28 de Febreiro, e os traballadores/as asignados á mesma encontranse sen funcións que desenvolver e sen que a empresa lles dea nen a eles nen ao Comité de Empresa nengunha resposta sobre o seu futuro”, denuncia a CIG.

Desde a CIG entenden que estan na fase final dun “proceso de descapitalización” da mesma que comezou na primavera do ano 2021 cando a empresa se desfixo das dúas campañas mais importantes, a de France Telecom (Orange e Jazztel) e a de Ionos 1&1, “condenando á empresa a unha situación de decadencia que ademáis se potenciou e agudizou a través dunha xestión neglixente e fraudulenta destinada de forma interesada a
conducir á empresa cara unha situación insostible”.

Desde a CIG continuarán a demandar á empresa que cumpra coas súas obrigas, tanto a través da vía mobilizadora como na vía legal para reclamar os dereitos dos traballadores.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo