A CIG denuncia “abuso” do Concello na contratación para cubrir prazas de xefaturas

A Sección Sindical da CIG no Concello de Lugo denuncia o “abuso” que desde o Concello se está a facer na contratación a través do sistema de comisión de Servizo para cubrir as prazas de xefaturas. O Concello de Lugo utiliza este sistema de xeito cotiá e continuado, cando este sistema está limitado exclusivamente para casos de máxima urxencia.

Así, neste ano, ofertouse mediante este sistema os postos de Xefatura do Parque Mobil e Parque Infantil de Tráfico, e agora pretendese cubrir mediante o mesmo sistema o posto de Director da Banda de Música Municipal.

No primeiro caso, o posto está vacante desde agosto de 2017, “tempo mais que suficiente para prover a praza de forma ordinaria e axeitadamente”. No caso do posto de Director da Banda de Música Municipal, o mesmo está vacante desde novembro de 2016, “tempo tamén mais que suficente” para prover a praza ordinariamente, mais neste caso, pretendese cubrir cunha persoa que non consta que posúa a titulación de Director de banda.

A situación desta vacante “era máis que previsible” tendo en conta que o titular anterior do posto íase xubilar, circunstancia que el mesmo anticipou ao propio concello a principios do ano 2016.

É por esto, que desde a Sección Sindical da CIG no Concello de Lugo se preguntan a razón de que o Goberno de Lara Méndez non convocara estes postos mediante os procedementos recollidos na Lei, e que garanten o acceso á Administración segundo os principios de Igualdade, Mérito e capacidade.

De igual xeito, procedeuse á elección da Dirección da Escola Municipal de Música dunha maneira contraria ao previsto no propio Regulamento de Réxime Interno da Escola, como este sindicato ten denunciado xudicialmente.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com