A concellaría de Educación pecha a Escola Infantil Municipal Gregorio Sanz debido ao contaxio dunha educadora

A Concellaría de Educación e Difusión do Coñecemento, vén de comunicar ás familias o peche da Escola Infantil Municipal Gregorio Sanz debido ao contaxio dunha das educadoras que traballan no centro. Segundo declarou o edil responsábel, Felipe Rivas, “os protocolos que están a seguir as educadoras das escolas permiten confirmar que as posibilidades de contacto coas crianzas foron moi pequenas, mais por responsabilidade decidimos proceder ao peche da instalación”.

O concelleiro informou que “desde a confirmación do contaxio, na mañá de hoxe, mantivemos contacto contínuo coas autoridades sanitarias para proceder segundo as súas indicacións”.