" />

A Confederación do Cantábrico acomete traballos no río Aira Pontes, en Becerreá

A Confederación Hidrográfica do Cantábrico realiza na actualidade traballos de acondicionamento dun tramo do río Aira Pontes nas inmediacións de Ouselle, (Becerreá).
Os traballos, que son levados a cabo pola empresa pública Tragsa, inclúen a retirada de pneumáticos de distinta tipoloxía depositados no propio río e as súas marxes, así como outros residuos antrópicos (latas, plásticos agrícolas e lixo en xeral). Os labores complétanse coa extracción da contorna fluvial de troncos e árbores caídos que reducen a sección de desaugadoiro, transportando os produtos resultantes a entulleira autorizada.
A actuación forma parte dos traballos de conservación, mantemento e reparación de danos no dominio público hidráulico que executará a CHC nos leitos cantábricos da provincia de Lugo durante este ano, en resposta ás solicitudes realizadas polos municipios e en desenvolvemento do compromiso asumido pola Subdelegada do Goberno e o Presidente da Confederación Hidrográfica do Cantábrico coa Federación de Asociacións de Veciños de Lugo a finais do pasado ano.
A Confederación Hidrográfica lembra que os labores de conservación e mantemento de leitos en zonas urbanas son competencia dos concellos, polo que as súas actuacións circunscríbense, necesariamente, ás zonas non urbanizadas.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo