" />

A Deputación copatrocina os Premios María Luz Morales que convoca a Academia Galega do Audiovisual

A Deputación de Lugo copatrocina, xunto ás institucións provinciais da Coruña, Ourense e Pontevedra, a IV edición dos Premios María Luz Morales que convoca a Academia Galega do Audiovisual. Un certame de ensaio e vídeo ensaio que ten por obxectivo o fomento da creatividade e independencia investigadora no eido audiovisual, dende unha perspectiva tanto galega    como universal.http://academiagalegadoaudiovisual.gal
As persoas interesadas poden participar nas modalidades ensaio escrito e vídeo ensaio, nas dúas categorías, galega e internacional. O prazo está aberto ata o día 3 do próximo mes de
maio. A presentación de traballos realizarase por correo electrónico, nenderezo inscricions@academiagalegadoudiovisual.gal
Admítense traballos asinados de maneira individual ou colectiva, que optarán a un único premio, dotado con 1.200 euros e un trofeo, para cada apartado.
O xurado comporase de tres persoas de recoñecido prestixio no ámbito historiográfico ou da crítica audiovisual. Entre os criterios de valoración figura a singularidade do enfoque, a orixinalidade do desenvolvemento, puntos de vista anovadores, a fiabilidade da documentación e a coherencia das conclusións. O fallo do xurado darase a coñecer no mes de xuño deste ano.
Primeira directora dun xornal nacional. A coruñesa María Luz Morales Godoy, nada en 1889 e falecida aos 91 anos de idade, en Barcelona, fixo historia por ser a primeira muller directora dun diario estatal. Escritora e xornalista, especializada na crítica cinematográfica e teatral, dirixiu o xornal La Vanguardia durante a Guerra Civil española. Activista feminista, republicana e galeguista represaliada polo franquismo, e autora dunha extensa obra literaria, María Luz Morales está considerada unha referencia da incorporación da muller á actividade xornalística e intelectual na España do século XX.
Lugo anfitrioa da segunda edición
A Deputación de Lugo acolleu no ano 2018 o acto de entrega dos Premios María Luz Morales. Nesa edición, os galardóns recaeron en dúas novas investigadoras, Lucía Estévez e Denisse Lozano; e nos investigadores Marcos Nine e Fernando Redondo. Tres dos traballos que resultaron elixidos cuestionan o papel da muller no cinema e na televisión, dende distintas
perspectivas.
A Academia Galega do Audiovisual publica os ensaios gañadores do premio na súa páxina web, www.academiagalegadoaudiovisual.gal Nela tamén é posible consultar as bases e toda a información adicional do certame.

Novas relacionadas

Unha resposta

Deixa unha resposta
  1. Avatar
    Carlos Fernandez Peleteiro
    Mar 29, 2020 - 01:08 PM

    Estamos nun momento e ante unha situación. Como para andar anunciando todas estas tonterías. Unha pouca de responsabilidade. É procurar poñerse a o servicio da xente. É con eses cartos, mirade o que e necesario e mercadeo. Un pouco de respeto e de por favor.

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo