Os traballos, executados pola empresa Cholo SL, teñen un prazo de realización de catro meses. O proxecto inclúe a reapertura e limpeza das cunetas, a pavimentación con aglomerado en quente e o repintado da calzada mediante marcas viarias reflexivas de cor branca.
A intervención ten como obxectivo incrementar a seguridade viaria e mellorar as condicións de circulación nunha estrada moi utilizada pola veciñanza da Montaña lucense.
Esta actuación dá continuidade aos proxectos desenvolvidos pola institución provincial na mesma vía, entre eles a mellora do tramo comprendido entre Santiso e Santa María da Fonsagrada. Tamén se acondicionaron outros dous treitos, un entre Cereixido e Santiso e outro entre Queizán e Pin, no concello de Navia de Suarna. Estas últimas obras atópanse xa na fase final de execución.
En total, a Deputación de Lugo leva investidos 780.495,36 euros na mellora da LU-P-1901, co propósito de modernizar esta comunicación entre A Fonsagrada e Navia de Suarna e ofrecerlles aos usuarios unha vía máis cómoda e segura.
