A Deputación mellora con 325.000 euros a estrada que une Sarria con Goián

O Vicepresidente e Deputado de Xestión Territorial, Argelio Fernández Queipo, e a Alcaldesa de Sarria, Pilar López Yáñez, supervisaron este martes acompañados de veciños as melloras executadas na estrada LU-P- 5705 de Mazadoiro a San Martín de la Torre por Escarlán, e ás que o Goberno Provincial destinou 325.000 euros. Trátase dunha vía de comunicación fundamental da zona pois ademais de ser a estrada que une Sarria con Goián permite conectar a uns 15 núcleos de poboación do rural do municipio sarriano, benefician directamente aos 300 veciños da zona así como a explotación agrícolas e gandeiras.

Fernández Queipo apuntou que “dende o Goberno da Deputación estamos comprometidos coa mellora das infraestruturas e dotacións públicas dos nosos veciños, concretamente os do rural, co fin de garantir a igualdade de oportunidades vivas onde vivas. Facemos un grande esforzo inversor para mellorar a rede viaria provincial que, con 4.200 quilómetros de vías, é a máis extensa do estado. É por iso polo que decidimos pór en marcha un plan dotado de 15 millóns para melloras en estradas provinciais dos 67 Concellos, co que poderemos ter aglomerado, practicamente, o 50% da rede provincial, uns 2.000 quilómetros”.

López Yáñez agradeceu a “constante colaboración e cooperación do Goberno da Deputación cos municipios da provincia, destinando grande cantidade de recursos que nos permiten realizar novos proxectos cos que mellorar o día a día dos nosos veciños”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com