" />

A Federación de Veciños ‘Lucus Augusti’ anuncia a XX edición do ‘Día do veciño’

A Federación de Asociacións Veciñais Lucus Augusti da provincia de Lugo anuncia a celebración do seu día grande, o Día do Veciño que este ano, 2022, cumpre o seu XX edición.

Cabe lembrar, que o pasado ano 2021, esta celebración viviu unha versión moito máis reducida, motivada pola pandemia por Covid19, que obrigou a reducir o aforo con respecto a anos anteriores -nos que se chegou a superar as 4.000 persoas- e a non celebrar a tradicional comida.

Este ano, 2022, prevese recuperar o formato habitual desta festa, a condición de que a evolución da pandemia así o permita, e que en ningún caso supoña un risco para a saúde. Así mesmo, celebrarase o tradicional partido de fútbol entre xornalistas, políticos e membros da Federación Veciñal Lucus Augusti.

Ademais, volveremos contar con actuacións folclóricas para amenizar a xornada; así como co momento principal da devandita celebración: a entrega das ‘V’ de Veciño aos galardoados desta XX edición. Cabe lembrar que o Día do Veciño supón a celebración conxunta das máis de 300 asociacións federadas que integran a Federación de Asociacións veciñais Lucus Augusti da provincia de Lugo.


Imaxe de Arquivo: Día do Veciño 2019

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo