" />

A Fundación TIC filmou os actos conmemorativos do 150 aniversario da Banda de Música de Chantada

Un equipo da Fundación TIC filmou este sábado os actos conmemorativos do 150 aniversario da Banda de Música de Chantada, unha das máis antigas de Galicia.

As cámaras da TIC realizaron a gravación íntegra do concerto homenaxe a Padroa da agrupación musical, Santa Icía, no auditorio municipal. O equipo da TIC gravou tamén a exposición fotográfica “150 anos de música”, na Casa da Cultura, e varias entrevistas a persoas vinculadas á entidade. O material audiovisual quedará recollido nun documental sobre a historia da Banda de Chantada, que os irmáns Manuel e Antonio Fernández, “Os Ferraias”, fundaron no ano 1865.

No recoñecemento á traxectoria da agrupación participaron músicos de todas as etapas, entre eles, o trombonista Manuel Fernández, “O Piñeiro”, e o clarinetista Antonio Ledo, “O Rato”, de 90 e 87 anos de idade respectivamente. Tamén asistiron os descendentes dos creadores da Banda e autores da afamada Muiñeira de Chantada.

A Fundación TIC ten subscrito un convenio de colaboración coa Banda de Chantada a prol da promoción que fan da música e da cultura na provincia, coa divulgación de iniciativas como o Campus musical e artístico Ventos do Norte, do que xurdiu á rodaxe dunha curta sobre a agrupación.

Na actualidade, son 150 as ONGs, asociacións culturais, agrupacións veciñais, e entidades deportivas que a TIC apoia coa realización de traballos audiovisuais, que permiten completar a formación teórica dos estudantes da Escola de Imaxe e Son de Lugo, e favorecer a súa inserción laboral.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo