" />

A Mariña luguesa en nivel alto de restriccións

Ribadeo, Foz, Burela, Cervo e Viveiro entran en nivel alto de restriccións por do elevado número de casos Covid diagnosticados nos últimos días. Nestes concellos só se poderá acceder ao interior dos locais de hostelería a persoas que tiveran pasado a enfermidade, que conten cun test negativo nas últimas 72 horas ou que estean vacinados coa pauta completa. O aforo dos locais queda limitado ao 50% tanto en interior como en exterior.

O número de casos activos na provincia volve subir un día máis e sitúase en 1.241, cento dous máis que onte. En Galicia o número de casos activos é de 12.889 deles 2.214 son da área da Coruña, 2.181 da de Ourense, 2.258 da de Pontevedra, 2.909 da área de Vigo, 1.580 da de Santiago e 506 da de Ferrol.

Do total de pacientes positivos, 21 están en UCI, 153 en unidades de hospitalización e 12.715 no domicilio. Polo de agora, en Galicia hai un total de 128.627 persoas curadas, rexistrándose 2.443 falecementos.

O número de PCR realizadas é de 2.481.253.

O número de doses de vacina contra a covid-19 administradas é de 3.309.925.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo