A Xunta adxudica a reforma da rede de abastecemento de auga na rúa Lugo de Portomarín

A Consellería de Infraestruturas e Mobilidade adxudicou por un importe de 39.620 euros a obra de reforma da rede de abastecemento de auga potable da rúa Lugo, no núcleo urbano de Portomarín.

O delegado territorial da Xunta, José Manuel Balseiro, explicou que hai un prazo estimado de dous meses e medio para realizar os traballos proxectados sobre a rede, cunha lonxitude aproximada de 244 metros.

As actuacións programadas inclúen a realización dunha gabia para colocar a tubaxe e a reposición de acometidas ás edificacións existentes, mediante arquetas cos elementos precisos -como válvulas de paso ou reguladores de presión-, e a colocación dos correspondentes elementos de unión entre tubaxes coas características axeitadas á presión que soportarán.

Unha vez feita a instalación reporase o firme mediante soleira de formigón de 15 centímetros na zona peonil e de 20 centímetros na zona de tránsito de vehículos, e rematarase mediante lousa de pedra, formigón ou asfalto, en función do pavimento existente.

Novas relacionadas

Unha resposta

Deixa unha resposta
  1. Pili Ferreira
    Out 31, 2019 - 05:57 PM

    Jjk

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com