A Xunta licita con preto de 2 millóns de euros obras de mellora no seu edificio en Lugo

A Vicepresidencia e Consellería de Presidencia, Administracións Públicas e Xustiza vén de licitar, coa publicación hoxe no portal de Contratos de Galicia, a obra de mellora da eficiencia enerxética do edificio administrativo da Xunta en Lugo, para as que reserva un orzamento de 1,9 millóns de euros.

O delegado territorial, José Manuel Balseiro, explicou que, con este paso, “cúmprese a palabra dada polo vicepresidente da Xunta, Alfonso Rueda, cando o pasado mes de xuño avanzaba que este mesmo verán tería lugar o inicio do proceso de contratación desta obra”.

As empresas interesadas neste contrato teñen ata o 26 de agosto para presentar as súas ofertas. O obxectivo da obra é mellorar as condicións de climatización do edificio, modernización da iluminación e renovación da envolvente térmica, o que ofrecerá un mellor confort non só para os traballadores senón tamén para os usuarios.

“Estamos a falar do principal edificio administrativo da Xunta na nosa cidade e na nosa provincia, emprazado na Ronda da Muralla. Nel traballan preto de 800 funcionarios e a el achéganse a diario moitas persoas para realizar distintos trámites e consultas”-explicou.

A intención do Goberno galego é que estas obras estean en marcha antes de que finalice este ano e que estean operativas entorno ao verán de 2020

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com