A Consellería de Sanidade rexistrou no día de onte no Concello de Lugo o proxecto técnico e de execución do futuro Centro Integral de Saúde do Barrio da Residencia, iniciativa para a que o Goberno galego reserva un orzamento de 11 millóns de euros.
Así o explicou o delegado territorial da Xunta, José Manuel Balseiro, quen asegurou que agarda que este trámite sirva para contar con celeridade coa licenza municipal que permitirá o inicio das obras de remodelación do edificio do antigo hospital materno infantil, para dotalo destes novos servizos sanitarios.
Balseiro explicou que, desde a administración autonómica, sempre consideraron que o proxecto básico era suficiente para contar coa autorización municipal de obras pero, en todo caso, “xa non hai escusas” e tras a correspondente supervisión técnica, decidiron presentar este documento que completa todos os detalles.
O novo Centro Integral de Saúde, o primeiro que se construirá en Galicia con estas características, agrupará nestas instalacións novos servizos sanitarios: centro de saúde, PAC-Urxencias, unidade de saúde mental, base do 061, ademais da urbanización exterior e demolición de varios edificios anexos.
Xan 24, 2019 - 06:35 PM
@Xunta Haber ahora cuanto tiempo lo tiene el @PSOEdeLugo guardado en un cajon o sin saber que se ha r… https://t.co/fbra4pscER