O Xuzgado de Primeira Instancia 2 de Lugo perdoou unha débeda de 43.728 euros a unha lucense que acumulaba varios préstamos pendentes.
A Asociación de Axuda ao Endebedamento, unha entidade sen ánimo de lucro, amparouse na Lei da Segunda Oportunidade, aprobada no ano 2015, para axudar a esta persoa a saír dunha situación límite.
A muller levaba anos arrastrando unha serie de préstamos que contraeu ao efectuar a compra dun coche que precisaba para ir ao traballo. Ao pouco tempo, e para subsanar diferentes problemas mecánicos do vehículo, tivo que solicitar máis préstamos para poder pagar os arranxos.
A situación empeorou debido á que a parella desta muller estaba en situación de desemprego e á chegada do seu bebé recentemente nado, o que multiplicou os gastos. Para intentar pagalos, solicitou máis préstamos, chegando así a acumular unha débeda que rondaba os 44.000 euros, unha cifra inasumible para un único salario.
Desesperada, esta muller acudiu a Asociación Axuda ao Endebedamento, especializada neste tipo de procesos de insolvencia, que en catro meses logrou a exoneración do 100% das súas obrigas de pago.
