" />

Aberto o prazo para pedir permiso para o Lume Novo

O Concello de Lugo ten aberto o prazo de solicitude para pedir permiso para a celebración das tradicionais fogueiras de San Xoán, segundo o bando de Alcaldía, no que tamén se recollen as normas ás que se teñen que axustar as fogatas do Lume Novo. As solicitudes, que están a disposición das persoas interesadas nas dependencias da Policía Local, poden presentarse ata as 13:00 horas do venres, 21 de xuño, nestas mesmas instalacións municipais.

No bando, prohíbese a queima de rodas e cubertas de goma, plásticos ou calquera derivado de hidrocarburos, así como materiais ou produtos contaminantes, fedorentos ou tóxicos. Tamén queda prohibido o lanzamento de foguetes. As fogueiras non poderán facerse en lugares próximos á liña eléctrica, inmobles, zonas verdes ou de xardíns, e naqueles nos que poidan crearse situacións de perigo. Tampouco se poderán facer dentro do recinto do casco histórico.

A persoa responsable ou responsables, e as e os organizadores de cada fogueira están obrigados a retirar do lugar de celebración todos os restos que queden unha vez rematada a queima. En caso de incumprimento do indicado ou de queixas fundamentadas da veciñanza, procederase polo Servizo de Extinción de Incendios, e a requirimento da Policía Local, a extinguir de inmediato a fogueira.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo