AJE Lugo organiza a segunda edición do taller de Intelixencia Emocional para empresarios

AJE Lugo organiza unha segunda edición do taller de Intelixencia Emocional orientado ao empresariado. Tras o éxito completo do primeiro taller e ante a demanda por parte dos empresarios e emprendedores, a asociación decidiu levar a cabo unha segunda edición. Nestes talleres trabállase o desenvolvemento das emocións craves na xestión do cambio e a consecución de obxectivos.

O taller terá lugar o próximo 3 de abril no Centro Clínico 9, sito na cidade de Lugo, na rúa Dinán, número 9, baixo, en horario de 19:00 a 21:00 horas. A coach Candy Rodríguez, especialista en Eduación Emocional, será novamente a encargada de impartir este taller, que é totalmente gratuíto para todos os empresarios e emprendedores que desexen participar.

Os empresarios e emprendedores interesados en participar neste taller poden inscribirse chamando ao 982.22.46.99 ou enviando un correo electrónico cos seus datos persoais a info@ajelugo.com.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo