As fortes choivas provocan o desbordamento do río Miño ao seu paso por Lugo

Facía tempo que non pasaba, pero as grandes cantidades de auga caídas dende outubro, xa tiveron consecuencias na cidade de Lugo. Así, na contorna do río Miño xa se poden ver os terreos asolagados despois de que se producise un desbordamento a causa, precisamente, das fortes choivas.

Os parques, o paseo e incluso as instalacións situadas máis preto do leito do Miño ao seu paso pola cidade, están sendo arrasadas pola auga. Así, o Balneario, o Club Fluvial ou restaurantes achegados ao río ven imposible levar a cabo a súa actividade cotiá.