" />

Benestar inicia as obras de mellora dos centros cívicos da cidade

A Casa das Asociacións e os centros María Balteira e do Sagrado Corazón están a experimentar estes días un lavado de cara que redundará na mellora da súa imaxe. A intervención consiste no repintado do interior das instalacións e tamén da fachada, traballos que ascenden, no seu conxunto, a 20.000 euros e que obedecen á intención do goberno local non só de conservar as dependencias municipais, especialmente aquelas que rexistran un uso frecuente e elevado por parte da cidadanía, senón tamén de facelas máis confortables.

“Se ben, na Casa das Asociacións, os labores de acondicionamento remataban o pasado xoves, nos próximos días comezarán as tarefas de mantemento nos dous centros de convivencia sinalados, polos que diariamente pasan un número moi elevado de usuarios. Trátase pois dunha actuación pequena, en canto a investimento, pero de gran valía para a veciñanza destes barrios que emprega con asiduidade estas dependencias nas que agora, agardamos, se sintan aínda máis cómodas e cómodos”, explicou Olga López Racamonde.

A edil de Benestar sinalou tamén que, de cara ao 2020, a súa área ten previsto acometer reformas nos centros sociais por importe de 243.000 euros, con cargo aos próximos orzamentos municipais.

Sen esquecer – lembrou – que o investimento en Servizos Sociais superará os 3 millóns de euros, entre os que destaca, precisamente, o gasto que se fará nos 7 centros cívicos da cidade nos que se atende a máis de 20.000 persoas”, concluíu a concelleira.

Novas relacionadas

Unha resposta

Deixa unha resposta
  1. Avatar
    Carlos Fernandez Peleteiro
    Dec 10, 2019 - 11:26 PM

    Tatarata…….

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo