O candidato do BNG – Asambleas Abertas, Rubén Arroxo, manifestou a súa disposición a participar naqueles debates que se propoñan para presentar as propostas electorais de cara ás vindeiras eleccións municipais. Arroxo sinalou que atenderán todas as propostas de debate e acusou ao Partido Popular de desafiar aos demais candidatos a traveso das redes sociais.
Pola súa banda, Santiago Fernández Rocha, candidato de Lugonovo, tamén aceptou onte a traveso de Twitter, a proposta de debate público.
Asemade, Carlos Portomeñe, candidato á alcaldía de Lugo por Esquerda Unida, defende a necesidade de debates públicos entre os candidatos á alcaldía de Lugo, aberto á participación directa dos lucenses.
