" />

Campanha nacional de sócias do projeto A Semente

Boa tarde, Sr./Sra. Director/a:

 A Semente é um projeto educativo social, sem fins lucrativos, que promove um modelo educativo inovador, baseado na imersom linguística -em galego- e numa pedagogia crítica e paidocéntrica. Conta com centros em Lugo, Trasancos, Corunha, Santiago de Compostela e Vigo e dá um serviço educativo a 140 crianças, promovendo valores sociais como o feminismo, o ecologismo ou a promoçom da língua e da cultura galega.

Informaçom da campanha:

Dez anos depois da primeira Semente está na hora darmos forma ao projeto comum de Escola nacional galega. Pola primeira vez pedimos juntas para participardes como sócias de todas as Sementes da Galiza. Necessitamos-te connosco para avançarmos, precisamos da força e da solidariedade de todo um País para crescer e caminharmos num solo firme e fértil, sermos uma primavera detrás doutra, sem fim.

Regando a Semente com o teu contributo, por pequeno que este for, poderemos criar novos centros Semente em comarcas onde a nossa língua está especialmente discriminada, tendo assim a capacidade para construirmos espaços seguros onde famílias e crianças podam dar-se um respiro reparador no nosso idioma. Ademais, graças à tua ajuda, teremos recursos para criarmos novos produtos culturais em galego; continuaremos a organizar jornadas de formaçom, onde repensar a educaçom duma perspectiva crítica e transformadora; avançaremos no necessário aumento do número de bolsas, garantindo uma acessibilidade universal e, em último lugar, incrementaremos a nossa capacidade de intervençom social para reforçar a consciência linguística e cultural do nosso povo.

Somos a escola popular galega, somos futuro, somos Semente!

.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo