" />

Cervo programa o ciclo de música “O son do nordeste”  

O Concello de Cervo, a través da delegación de Cultura, ven de presentar o programa “O son do nordeste” que  traerá ao concello mariñán musicas de diferentes estilos  neste último trimestre.

O ciclo de música  desenvolverase en diferentes emprazamentos do Concello de Cervo durante as noites dos meses de outubro, novembro e decembro.

O programa inaugurarase o vindeiro luns 11 de outubro co concerto de The Show Bass ás 21:00H na Praza dos Campos de San Ciprián. O grupo compostelán tocará cancións con ritmos rocksteady, rythm & blues e soul xamaicano.

Segundo a Concelleira de Cultura, Dolores García Caramés “trátase dunha continuación do extenso programa de concertos que vimos celebrando durante todo o verán e que tiveron unha grande acollida. Agardamos que agora, coa mellora da situación derivada da pandemia, podamos celebrar os concertos acollendo a normalidade pouco a pouco, pero sen perderlle o respecto ao virus”. Engade tamén que se trata “de aquí ata final de ano gozaremos dunha oferta musical variada e para os amantes de todos os estilos”.

 

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo