" />

Charla sobre eutanasia e testamento vital

O vindeiro luns, día 13 de xuño, ás 20 horas, vai ter lugar no Centro Sociocultural “O Vello Cárcere”, unha charla-coloquio organizada pola asociación DMD (Dereito a Morrer Dignamente), charla na que, baixo o título “DEREITOS SANITÁRIOS: EUTANÁSIA E TESTAMENTO VITAL”, se falará da necesidade de reflexionarmos sobre como queremos finalizar a nosa vida. A charla tamén xirarrá, sobre o que é para nós unha vida digna de ser vivida, en que condicións non desexariamos seguir vivindo, entre outros moitos aspectos, e sobre a importancia de termos rexistrado o noso Testamento Vital ou Documento de Instrucións Previas. Un documento legal no que as persoas maiores de idade, capaces e libres manifestan anticipadamente a súa vontade sobre o alcance dos coidados e tratamentos que queren recibir no final da súa vida.

O acto vai estar conducido polo presidente da asociación, Miguel Anxo García Álvarez, psicólogo clínico, e pola vicepresidenta Isabel Blanco Domínguez, médica. Os datos dos que dispoñemos refiren que na Galiza van rexistrados un total de 13.374 testamentos vitais, dos que 8.504 foron presentados por mulleres (un 63.6%), o que representa un 4.9 por 1.000 da poboación, lonxe do 19 ou 16 por 1.000 de Navarra ou País Vasco, o que nos indica que é necesario seguir divulgando e explicando estes dereitos de forma que a xente poida exercelos con plena consciencia e liberdade. Farase un breve repaso pola recente Lei de Eutanasia, aprobada hai un ano, a cal  garante o dereito das persoas con enfermidades terminais a por fin á súa vida. Sen esquecermos dunha das grandes reivindicacións deste movement, a de seguir a fomentar, mellorar e estender a toda a poboación o dereito a unha prestación de coidados paliativos que garanta a falta de sufrimento neste derradeiro da vida

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo