" />

Ciudadanos insta ao concello á recuperación de fontes e lavadoiros tradicionais

A  portavoz municipal de Cs, Olga Louzao, instou esta mañá ao Goberno local de Lugo a redactar un Plan municipal de recuperación de fontes e lavadoiros tradicionais. Louzao advertiu da “situación límite na que se atopan moitas destas infraestruturas espalladas ao longo do noso municipio. Como exemplo, a edila expuxo os casos de abandono que sofren as fontes da parroquias do Burgo e de Bazar, no lugar de Tuíxe”.  Non podemos deixar, insistiu, “podrecer un patrimonio de tanto valor. O Goberno ten que actuar. É necesario realizar un traballo de inventariado e deseñar un plan de recuperación en todas as parroquias, sinalou a voceira da formación laranxa”.

«O sistemas de abastecemento de auga a través de fontes tradicionais son un patrimonio etnográfico de incalculable valor que está a ser esquecido por este goberno de forma sistemática», afirmou Louzao.« De non ser polo traballo do tecido asociativo veciñal no noso municipio moitas destas redes de abastecemento tradicionais e as súas fontes terían desaparecido a día de hoxe. Claro exemplo disto e o estado que presenta o sistema de fontes tradicionais na parroquia de Bazar, recuperado en parte pola súa asociación de veciños», proseguiu.

Cs urxe a actuar de inmediato no Burgo e Bazar

«Sen embargo, aínda queda unha fonte por recuperar. A devandita fonte, situada no lugar de Tuíxe, atopase actualmente en funcionamento pero presenta atrancos na súa rede de abastecemento e un evidente deterioro da estrutura  e do caño. Do mesmo xeito e necesario levar a cabo traballos de consolidación na pila», dixo Louzao. «O mesmo sucede na fonte da parroquia do Burgo. Estás dúas son solo un exemplo do estado de abandono que presenta no medio rural a rede de fontes e lavadoiros tradicionais.  Por todo isto, instamos ao equipo de goberno a que leva a cabo os traballos de conservación das dúas fontes mencionadas pola súa urxencia», concluíu.

 

Novas relacionadas

Unha resposta

Deixa unha resposta
  1. Avatar
    Carmen Salvadores Cobas
    Xul 16, 2020 - 09:17 AM

    Tiña que ser unha muller a que reivindique, porque aquí pasábanse as mulleres moitas horas da súa vida

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo