Os cines Codex estrean maña venres, o filme italiano L’IMMENSITÀ, dirixido por Emanuele Crialese e protagonizado por Pènélope Cruz; asemade hoxe, xoves, a partir das 20:00h proxecta un novo filme da retrospectiva da cineasta húngara Márta Mészáros, DESAPARICIÓN, drama realizado en 1973.
L’IMMENSITÀ, trasládanos a Roma dos años 70. Conta a historia dun matrimonio, Clara e Felipe que aínda que está acabado son incapaces de separarse. O único que os mantén unidos son os seus fillos, nos que Clara (Penélope Cruz) volca o seu desexo de liberdade. Adriana, a maior, acaba de cumprir 12 anos e presenza moi de preto os estados de ánimo de Clara e as tensións cada vez maiores entre os seus pais. Adriana rexeita o seu nome e a súa identidade, quere convencer a todo o mundo de que é un rapaz, e a súa obstinación fai que o seu fráxil equilibrio familiar alcance un punto de ruptura. Mentres os nenos esperan unha sinal que os guíe, todo cambia a seu redor e no seu interior.
Hoxe xoves, , a partir das 20:00h Codex continúa a Retrospectiva Márta Mészáros coa proxección de “DESAPARICIÓN”. Mészáros xa realizara un documental sobre tecedoras, A lőrinci fonóban (At The Lőrinc Spinnery, 1971), cando se decidiu a rodar DESAPARICIÓN. Aquí, a actriz Erzsébet Kútvölgyi mestúrase entre verdadeiras obreiras para ofrecer un realista retrato das súas condicións de traballo. Antes de abandonar a fábrica, adoita darse unha ducha, acto que a realizadora capta de forma sensual e empoderada. É un momento de calma e paz ante as tensións psicolóxicas e físicas que veñen despois. A dramaturxia céntrase na imposibilidade de integración das clases, resultando irónico que os que mandan nun estado soviético sexan acomodados burgueses.
