Esta maña produciuse na parroquia de Ombreiro un altercado entre veciños e forzas do orde público, por mor da execución de derribo nunha casa desta parroquia, ordenada pola APLU (Axencia para a protección da legalidade urbanística) dependente da Consellería de Medio Ambiente e Ordenación do Territorio.
A primeiras horas da mañá concentrábanse diante da vivenda cerca de cen persoas para impedir o acceso á mesma. A policía autonómica tivo que intervir, para acceder á mesma, o que finalmente puido facer logo de que un cerralleiro abrise a porta e se producira un forcexo entre as persoas que se opoñían ao derribo e a policía. Este tumulto fixo que un dos representantes do BNG, Ruben Arroxo, batera coas costas no chan.
Os actuais propietarios do inmoble declararon que ninguén lles comunicou ao propietario, o seu pai falecido, o inicio do expediente de derribo. Mentres que dende o organismo da Consellería de Medio Ambiente e Ordenación do Territorio sinalan que a comunicación fíxoselle á promotora da obra, nai dos actuais propietarios.
