" />

Concentración en contra dos recortes no ensino rural en Cervantes

A deputada do BNG por Lugo, Carme Aira e o Voceiro de Educación e Deputado Autonómico, Luís Álvarez participaron onte na concentración convocada pola ANPA do CPI de Cervantes e FAPACEL (Federación de Anpas de Lugo), en contra dos recortes no ensino, os que están deixando sen profesores e servizos dentro do centro e onde os nenos e nenas de tres anos terán que convivir con outros de ata 10 anos.

Carme Aira sinalou que ter un rural vivo significa contar con servizos, non recortalos” ao que subliñou “o PP na Xunta deixa esmorecer á Montaña de Lugo, moitos cativos desta zona van quedar sen profesores especialistas o que non garante un ensino de calidade e en igualdade de condicións” dixo Carme Aira”

Neste sentido, o BNG rexistrará diferentes iniciativas no Parlamento galego sobre a situación do ensino nas zonas de montaña e así dotar con servizos suficientes e adaptados ao territorio para poder contar cun sistema xusto e en igualdade de condicións.

Pola súa banda, Luis Álvarez emprazou á Consellería de Educación a que contrate unha profesora de infantil para atender aos alumnos deste centro do corazón do rural lucense. “O Goberno de Feijóo debe apostar e impulsar a educación que é o piar básico de calquera sociedade, non se poden suprimir prazas de profesorado, máxime nunha situación como a que vivimos coa pandemia do COVID”, sinalou.
O Voceiro de Educación remarcou que a situación do próximo curso, mantendo as medidas de seguridade fronte á covid, aconsellan “o mantemento, cando menos, do mesmo número de profesores do curso que agora remata por motivos sanitarios e por dispoñer dos recursos económicos suficientes”.

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo