O vindeiro día 19 de agosto ás 19 horas na Carballeira Municipal de Becerreá, ofrecerá un concerto a Banda Filarmónica de Lugo. A entrada será de balde e haberá cadeiras para o público.
A Banda Filarmónica de Lugo, créase no ano 2013 por iniciativa do seu director, Iván Martínez Sabio, outros músicos da cidade, o apoio da Sociedade Filarmónica de Lugo e o Conservatorio Profesional «Xoán Montes». Ao longo destes anos alterna unha programación anual ordinaria na cidade con concertos en diversas localidades e mesmo en Portugal. A banda traballa con directores invitados e participa en cursos de dirección; ten gravado un disco.
