" />

Concerto de Nadal da Escola Municipal de Música de Mondoñedo

O pasado 23 de decembro celebrouse no auditorio de Mondoñedo o concerto de Nadal que este ano, ademais, coincidiu co 25 aniversario da fundación da Escola Municipal de Música de Mondoñedo, que dirixe o lucense Xan Carballal. Cinco foron as agrupacións que subiron á platea, todas dependentes da escola. Así, os diferentes grupos: coro, orquestra, banda, grupo de jazz e  infantil, foron interpretando pezas, algunhas , estreadas neste concerto e procedentes do arquivo da catedral.

Ao concerto asistiu o alcalde de Mondoñedo, o deputado de Participación Cidadá, Roberto García Pernas. A institución provincial colabora con esta entidade a través do Plan Único de Cooperación cos Concellos. Con este acordo, sufrágase o salario e os seguros sociais do director e dous mestres da escola. Este é un centro que depende do Concello e desenvolve a súa actividade ao longo de todo o ano. Na actualidade conta con 70 alumnos e alumnas de diferentes concellos da Mariña que se forman nesta escola, fundamental pola súa contribución e posta en valor da cultura musical.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo