Condenado a doce anos de cárcere por violar e agredir a unha muller que exercía a prostitución

A sección segunda da Audiencia Provincial de Lugo condena a doce anos de cárcere e a dez anos de liberdade vixiada a un home por violar e agredir a unha muller que exercía a prostitución en Foz. Ademais, impúxolle a prohibición de aproximarse á vítima e de comunicarse con ela durante 18 anos, así como o pago dunha multa de 540 euros e dunha indemnización de 15.000 euros. O tribunal, que tivo en conta a atenuante de embriaguez, considerouno autor dun delito de violación, consistente en agresión de carácter sexual con acceso vaxinal, anal e bucal, imposta sen o seu consentimento, empregando violencia con carácter particularmente degradante ou vexatorio, e doutro delito leve de lesións.

Os maxistrados consideran probado que o acusado se desprazou á vivenda da vítima, con quen acordara previamente un servizo sexual. Unha vez alí, segundo consta na sentenza, mantivo “un comportamento brusco e violento, tratándoa de forma  desconsiderada, coma se puidese facer o que quixese con ela polo feito de exercer a prostitución”, polo cal a afectada lle pediu en diversas ocasións que se fose. “O acusado non só non se foi, senón que lle pegou de forma reiterada e a obrigou a continuar cos actos sexuais en contra da súa vontade expresa”, salientan os xuíces na resolución, na que destacan que o testemuño da vítima foi “persistente no tempo e circunstancialmente idéntico ao longo das súas intervencións”. Ademais, inciden en que carece de incredibilidade obxectiva, pois aseguran que consta de corroboracións periféricas, entre as que destacan “as numerosísimas lesións que sufriu” a afectada.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com