Por segundo día consecutivo baixa o número de casos activos na área sanitaria de Lugo, 26 menos que na xornada de onte. En canto aos novos positivos tamén descenden, aínda que se seguen a superar os cen, 103 nas últimas 24 horas.
No total de Galicia, a Dirección Xeral de Saúde Pública da Consellería de Sanidade informou na súa última actualización, que o número de casos activos de coronavirus en Galicia é de 18.771 deles 4.091 son da área da Coruña, 2.231 da de Lugo, 1.715 da de Ourense, 2.894 da de Pontevedra, 4.590 da área de Vigo, 2.260 da de Santiago e 990 da de Ferrol.
Do total de pacientes positivos, 42 están en UCI, 261 en unidades de hospitalización e 18.468 no domicilio. Polo de agora, en Galicia hai un total de 138.762 persoas curadas, rexistrándose 2.474 falecementos.
O número de PCR realizadas é de 2.581.388.
O número de doses de vacina contra a covid-19 administradas é de 3.525.942.
