A Deputación de Lugo informa de que, a partir do luns 13 de xullo, permanecerá cortado ao tráfico un tramo da estrada provincial LU-P-1611 (cinto comarcal) ao seu paso polo concello de Castroverde, debido ás obras de reparación da ponte situada sobre a LU-530.
O corte afectará ao tramo comprendido entre os puntos quilométricos 118,500 e 118,900, cunha lonxitude aproximada de 400 metros, e está previsto que se prolongue durante dous meses.
Durante a execución dos traballos, promovidos pola Axencia Galega de Infraestruturas (AXI), tamén poderán producirse cortes parciais e intermitentes na LU-530, en función das necesidades da obra.
Habilitaranse itinerarios alternativos debidamente sinalizados para garantir a mobilidade. A Deputación recomenda ás persoas usuarias planificar os seus desprazamentos con antelación, extremar a precaución e respectar a sinalización provisional mentres duren os traballos.
Foto:
Arquivo.
