Cs urxe ao Goberno local a actuar na estrada do Portiño, en San Mamede dos Anxos

A voceira municipal de Cs, Olga Louzao, criticou con dureza esta mañá o estado de “total abandono” no que se atopan os máis de 200 metros da coñecida como estrada do Portiño, na parroquia de San Mamede dos Anxos, en Nadela. Esta vía, moi transitada xa que dá acceso a unha poboada urbanización da zona, presenta un firme deficiente e carece de alumado público. “O estado no que se atopa a capa de rodadura é lamentable. A falta de asfalto e a grava que se acumula nas numerosas fochancas están a xerar un risco evidente para a seguridade viaria”, asegurou a concelleira da formación laranxa.

Ao problema de seguridade viaria xerado pola “falta de mantemento” no asfalto e a carencia de sinalización horizontal súmase a ausencia de alumeado público en grande parte do trazado desta vía. Louzao denunciou a inacción do Goberno local neste sentido. “Cónstanos polas numerosas denuncias veciñais que o Goberno local está informado dos problemas da zona. De feito, nesta rúa existe desde hai máis de dous anos rede eléctrica instalada ex proceso e están colocados cinco postes destinados a acoller outros tantos puntos de luz sen que o Goberno local se dignara tan sequera a instalar as luminarias. A falta de vontade política é total”, asegurou Louzao.

“Instamos ao Goberno local a que leve a cabo unha actuación integral na zona coa máxima urxencia. É inadmisible que o Goberno local permaneza de brazos cruzados ante a situación de abandono que sofre este punto do noso municipio. A falta de atención mostrada polo executivo local cara aos núcleos rurais do concello xera un agravio para os veciños do rural respecto de os veciños das zonas urbanas do municipio. Levamos tempo denunciando que as necesidades para este goberno mídense polo número de potenciais votantes. Deste xeito o goberno bipartito está creando zonas marxinadas e marxinais no municipio”, concluíu a portavoz municipal.

Novas relacionadas

Unha resposta

Deixa unha resposta
  1. Luis Díaz
    Xan 27, 2020 - 09:19 PM

    Uy uy uy , esta gente está perdiendo talento mediático como votantes. En sus buenos tiempos delante de ese charco hubiesen representado un perfomance con un barquito varado en su agua, uno vestido con un traje de buzo, el otro con un camión de juguete lleno de gravilla. Es lo que hay, pero echamos de menos sus (y los del Rivera) “espectáculos. Paciencia, la Arrimadas promete.

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com