A Deputación, patrocinadora da Feira Tradicional Outrora de Bóveda

A Deputada de Promoción Económica e Social, Sonsoles López Izquierdo, e o Alcalde de Bóveda, José Manuel Arias López, presentaron este xoves a XV Feira Tradicional Outrora, que se celebra o 14 de xullo na parroquia de Rubián, en Bóveda. O Goberno Provincial converteu á Deputación na principal patrocinadora deste cita, colaboran con 6.000 euros, unha demostración de forxa e unha actuación musical co Concello, que achega 3.000 euros. Á presentación, tamén se sumou o Delegado Territorial da Xunta, José Manuel Balseiro.

López Izquierdo explicou que participarán 50 profesionais do sector artesanal, chegados de distintos puntos da xeografía galega, e que realizarán demostracións en vivo da talla de madeira, tornaría, tear, olaría tradicional, canteiría ou forxa. Tamén haberá unha recreación etnográfica da malla, unha exhibición de vehículos antigos; varias actuacións musicais a cargo da Banda de Gaitas e Percusión Cántigas e Frores e da Asociación Fiandeiras Bolboreta; actividades para os máis pequenos, como obradoiros ou xogos tradicionais; e unha degustación de isco no guizo. Noutras edicións, esta xornada reuniu a máis de 1.000 persoas.

Neste senso, a Deputada apuntou que “colaboramos con este evento dentro da nosa aposta por potenciar cada un dos recursos dos nosos Concellos como un valor diferencial que nos converten nunha provincia única, que cambia de recuncho a recuncho, e que é capaz de ofrecer unha oferta turística totalmente diferente. Precisamente, esta é unha das liñas de traballo que define o primeiro Plan Estratéxico de Turismo na provincia, totalmente participativo”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com