A Policía Local de Lugo detivo onte a unha muller por agredir a súa filla de 16 anos e encerrala na súa habitación, despois de que a menor alertara dos feitos pola fiestra da súa vivenda. Os feitos ocorreron vinte minutos antes das 7 da tarde de onte na zona de Galegos, á que acudiron varias unidades móbiles da policía que viron como a rapaza estaba pechada na súa habitación.
Os policías procederon á detención da mai e a trasladaron á Comisaría de Lugo. Asemade, os axentes localizaron ao pai da menor, que foi trasladada ao Punto de Atención Continuada (PAC) de Fingoi, onde tivo que recibir asistencia.
A xuíza Pilar de Lara foi a maxistrada encargada de tomarlle declaración á mai. Trala mesma, o Xulgado de Instrucción Número 1 de Lugo decretou liberdade para a muller coa obriga de comparecer cada 15 días no xulgado.
