" />

Detidas 13 persoas por pertenza a un grupo criminal especializado en roubos con forza

A Garda Civil, no marco da ‘Operación Nomizo’, detivo en Lugo a 13 persoas con idades comprendidas entre os 18 e os 40 anos pertencentes a un grupo asentado na capital e especializado en roubos con forza en establecementos públicos. Así o informou o Instituto Armado, que considera desarticulado esta dedicada á comisión de roubos con forza nas cousas, que actuaba principalmente en establecementos públicos e en vivendas deshabitadas, así como a comisión doutros ilícitos tales como conducir vehículos de motor sen ter nunca autorización para iso. As investigacións iniciáronse no mes de xullo do pasado ano despois de ter coñecemento de roubos con forza no interior de naves que se dedican principalmente á subministración agrícola e gandeiro.

Os presuntos autores dos feitos actuaban en toda a provincia de Lugo, en grupos de polo menos catro persoas, en horario nocturno e calquera día da semana. Froito da investigación estableceuse a existencia dun grupo integrado por varias persoas, especializados na comisión de roubos con forza en naves dedicadas aos sectores agrícolas e gandeiros.

No marco desta operación esclarecéronse 25 delitos, 18 de roubo con forza nas cousas en interior de establecementos públicos en ata 17 municipios do centro e do sur da provincia; dous de roubo con forza nas cousas en vivendas deshabitadas en Friol e Castro de Rei; e cinco por conducir vehículos de motor sen obter nunca autorización.

A Garda Civil estimou que o beneficio reportado pola comisión dos roubos cometidos por este grupo ascende a uns 35.000 euros. Os detidos foron postos a disposición xudicial.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo