" />

Detido un home por unha presunta agresión a unha muller que foi atopada pola Policía espida e desorientada

Sobre as 4,10 horas do día 23 de decembro unha patrulla do Grupo Operativo Nocturno da Policía Local de Lugo que se achaba de servizo pola Ronda da Muralla observa, á altura da Porta do Carmen, a unha muller de 37 anos de idade, espida, que se arrastra pola parte da calzada destinada á circulación rodada.

De inmediato proceden a prestarlle auxilio, observando que se achaba nun estado de gran nerviosismo, perdendo por momentos a consciencia. Proceden a tapala cunha manta térmica e tentan tranquilizala, á vez que solicitan a presenza dunha ambulancia do 061.

Unha vez no lugar e para o seu traslado ao  HULA, dado o seu estado, houbo de ser acompañada para a súa tranquilidade por unha inspectora do corpo, podéndose coñecer que a citada muller estivera “de copas” nun local situado na Ronda da Muralla cun home, que a agarrou polo brazo, que lle preguntaba onde ían e este non lle dicía nada, só tiraba dela do brazo e que non se preocupase, dirixíndose a unha pensión situada na  rúa  Tinería e no seu interior lembra que lle pega na cara e rómpelle as lentes, non lembrando nada máis e tampouco sabe como chegou á rúa espida, solicitándose a presenza do Médico Forense para examinar á vítima.

Unha patrulla de Policía Local trasládase ao local de hostalería onde non tiñan conciencia de ver a dita parella no seu interior e outra patrulla á  rúa  Tinería, onde observan  como un home observaba aos actuantes desde a xanela dunha das habitacións dunha pensión alí situada, chamando ao inmoble e logrando que abrise a porta dita persoa, accedendo á habitación que o mesmo ocupaba, observando ademais que o home citado respondía as características físicas facilitadas pola muller, manifestando  que estivera tomando algo cunha moza loura, coincidindo coa descrición da vítima, o cal carecía de documentación persoal, aínda que se dispoñía doutro tipo de documentos onde constaban os seus datos filiatorios.

Tras acceder á habitación con autorización desta persoa poden observar, a través dunha xanela que comunicaba cun patio interior, unha bolsa colgada ao exterior que contiña roupa que eran da muller auxiliada en primeira instancia e entre a roupa unhas lentes rotas cuxos cristais foron achados no interior da habitación, recoñecendo o home que estivera coa moza nun local de copas da Ronda da Muralla e posteriormente foran á habitación da pensión e que aí tiveron un “problema”, que a moza saíu correndo e que non soubo nada máis da muller ata que chamaron os axentes á súa porta, non sabendo explicar a existencia da devandita bolsa colgada no tendal exterior da súa habitación.

Diante de tal situación os axentes proceden á detención desta persoa, de 22 anos de idade, con residencia no devandito lugar, sendo trasladado a un centro médico para a súa revisión, procedendo os axentes para requirir á dona da pensión para que peche debidamente a habitación para a realización da correspondente inspección ocular por parte de efectivos de Policía Científica e posteriormente conducido a dependencias policiais onde se instrúen dilixencias polos feitos relatados para o Xulgado de Garda.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo