Os cines Codex estrean este vindeiro venres, a espectacular Un cielo tan turbio de Álvaro Fernández Pulpeiro, unha viaxe alucinante ao centro de Venezuela, unha historia de piratas e de traficantes de petróleo feita desde a máis absoluta independencia. O filme terá dous pases o venres e o domingo.
Ademais, unha nova película premiada no festival de Cannes, Compartimento Nº6, do finés Juho Kuosmanen, a historia de dous descoñecidos que se encontran viaxando no famoso tren transiberiano.
