Écociña no Camiño xuntou en Portomarín os manxares galegos cos blogueiros máis especializados en gastronomía

 campaña Écociña no Camiño achegou hoxe unha mostra da cociña galega a un grupo de blogueiros especializados en temas de gastronomía e turismo que se deron cita na Finca Recelle de Portomarín.

O delegado territorial da Administración autonómica, Javier Arias, asistiu á degustación de receitas propias preparadas con produtos autóctonos ofrecidas polos cociñeiros Héctor López, drestaurante España (Lugo)que preparou boi; e Miguel Mosteiro, de Gastrolab Arousa (Boiro)que presentou carpaccio de tenreira curada en auga de mar.

A iniciativa inclúe unha serie de presentacións en diferentes puntos das rutas xacobeas nas que tamén se trata de concienciar ao público asistente sobre as vantaxes da cesta da compra de proximidade e o compromiso coa sostibilidadeTrátase dunha acción impulsada por Turismo de Galicia en colaboración con Aceites Abril, Estrella Galicia e Bodegas Galegas.

Máis dun cento de restaurantes espallados polas diferentes rutas do Camiño participan na campaña, á que tamén se sumaron algunhas Prazas de Abastos, onde se ofreceron petiscos de balde a peregrinos e visitantes.

Arias destacou que “a gastronomía é un dos grandes atractivos de Galicia e non hai mellor contexto que o Camiño e o Xacobeo para promocionar a extraordinaria calidade da nosa cociña e dos produtos galegos”.

Por último, o delegado salientou que “despois de ver como está a remontar o turismo na Comunidade, cunhas cifras de peregrinos no mes de outubro similares ás de xullo, pensamos que hai grandes perspectivas para o Ano Santo en 2022 e confiamos en estar no bo camiño para a reactivación económica trala pandemia”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com