Encontrado o corpo sen vida dunha persoa flotando no río Miño

O corpo dunha persoa foi localizado flotando no río Miño, en Lugo, á altura da presa Caneiro das Illas.

Poucos minutos antes das 21:00 horas da noite de onte, un particular informaba ao 112 Galicia do achado. Indicaba que acababa de ver a unha persoa flotando no río.

Decontado, os xestores do Centro Integrado de Atención ás Emerxencias (CIAE) 112 Galicia puxeron os feitos en coñecemento do 061-Urxencias Sanitarias, dos membros da Policía Nacional e Local, dos Bombeiros de Lugo e tamén da Agrupación de Voluntarios de Protección Civil da localidade.

Finalmente, os axentes da Policía Nacional confirmaron que o corpo sen vida foi rescatado da auga. As forzas da orden tratan de aclarar as circunstancias do suceso.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo