Esta semana os cines Codex estrean “Diante de ti”, longametraxe da prolífico e prestixioso director surcoreano Hong Sangsoo. O filme foi estreado na sección Premiere do Festival de Cannes de 2021 e acadou o Premio Especial do Xurado no Festival de Xixón dese mesmo ano.
O cinema de Sangsoo acostuma a ser moi autobiográfico. Pese a elo o tema da familia non é dos máis habituais nos seus filmes, no entanto en Diante de ti o director conecta coa vida da súa nai, produtora xunta ao seu pai na segunda metade dos anos sesenta a través da empresa Yeonhap Films. Isto conecta coa actriz protagonista de Diante de ti, Lee Hyeyoung, estrela de cine nos anos oitenta e que, ademais, é filla de Lee Manhee, director surcoreano clave na historia do país a quen a propia nai de Hong Sangsoo produciu cinco filmes.
Diante de ti cóntanos como Sangok regresa dende os Estados Unidos a Corea para reencontrarse coa súa irmá. A muller percorre a cidade e decide encontrarse cun director de cinema que quere contar con ela para o seu próximo proxecto. Sangok leva anos sen actuar e desexa regresar a ese mundo a pesar de que garda un segredo que a fai dubidar.
A outra estrea desta semana nos cines Codex é Mali Twist, novo filme do francés Robert Guédiguian, figura imprescindible do cinema francés dende os anos noventa. Mali Twist foi presentada na Seminci de Valladolid e conta unha historia de amor no Mali inmediatamente posterior á recén adquirida independencia, onde a xuventude bailaba polas noites twist que viña de fóra. O seu protagonista, Samba, percorre o país en moto para amosar as vontades do socialismo aos campesiños e namora de Lara, rapaza casa á forza. Xuntos foxen asumindo as complexas consecuncias do acto. Unha película que fala da contradición entre revolución e hedonismo.
Máis información en: www.caldiae.gal
