Estudantes franceses coñecen en Lugo o funcionamento das institucións e as políticas migratorias

Un grupo de estudantes do Lycée Joseph Saverne de L’Isle Jourdain, localidade próxima a Toulouse, visitou a Casa Consistorial de Lugo no marco dun intercambio do programa Erasmus co IES Nosa Señora dos Ollos Grandes.

O alumnado mantivo un encontro co concelleiro de Benestar Social, Gustavo Díaz, no que abordou o funcionamento das institucións españolas, a organización territorial do Estado e o reparto de competencias entre as administracións central, autonómica e local.

A conversa centrouse tamén nas políticas migratorias e nos procedementos para acceder á residencia e á nacionalidade española, así como no sistema de acollida das persoas solicitantes de protección internacional.

Durante a recepción explicouse o papel dos concellos na atención ás persoas migrantes, especialmente a través do empadroamento e dos servizos municipais de información, orientación e acompañamento social.

O encontro permitiu ao alumnado achegarse á realidade administrativa e social española desde a perspectiva local, nunha actividade que se enmarca nos obxectivos dos intercambios Erasmus de promover o coñecemento mutuo e a convivencia entre a mocidade europea.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com