" />

Evacuadas seis persoas, tres adultos e tres nenos, por mor dun incendio nunha vivenda en Baralla

Segundo a información facilitada polos servizos sanitarios ao 112 Galicia un total de seis persoas, tres adultos e tres nenos, foron evacuados por inhalación e queimaduras ao Hospital Universitario Lucus Augusti. Os servizos de emerxencias actúan arestora no incendio declarado nunha vivenda situada no concello de Baralla.

Todo comezou ás 05:30 horas cando o 112 Galicia recibiu a chamada de alerta dunha persoa particular. Indicaba que un lume consumía por completo unha vivenda situada na parroquia de Penarrubia, concretamente no lugar da Revolta.

Axiña, desde o Centro Integrado de Atención ás Emerxencias de Galicia púxose a situación en coñecemento do servizo de Urxencias Sanitarias de Galicia-061, dos Bombeiros de Sarria, dos membros do GES de Becerreá e de Baralla.

Compre sinalar que este operativo tamén conta coa colaboración dos axentes da Garda Civil, que foron informados polos xestores de Emerxencias 112 Galicia.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo