O condutor dun tractor morreu na tarde de onte tras colidir o seu vehículo con un turismo en Pol. Segundo a información facilitada ao 112 Galicia, o accidente mortal produciuse pasadas as sete da tarde de onte no lugar de Rodís, concretamente na estrada que enlaza o Mosteiro co Ludrio. Alí acudiu unha dotación do 061-Urxencias Sanitarias, que atopou ao condutor do tractor fóra do vehículo. Con todo, nada puideron facer para salvar a vida do home.
No operativo de atención e asistencia colaboraron tamén os voluntarios de Protección Civil de Pol e os axentes da Garda Civil de Tráfico, alertados polo 112.
