" />

Falece unha persoa nunha colisión entre dous vehículos en Trabada

Unha persoa perdeu a vida a pasada tarde nunha colisión na que se viron implicados dous vehículos en Trabada. Segundo indicou o 112 Galicia, os Bombeiros de Barreiros tiveron que excarcerar á vítima mortal, ao quedar atrapada no interior dun dos vehículos accidentados. Ademais, no sinistro houbo unha persoa que resultou ferida leve.

Os feitos producíronse na N-640, na parroquia da Ría de Abres, uns minutos antes das 20:30 horas. Nese momento, unha persoa particular contactaba co 112 Galicia para dar conta do ocorrido.

Acto seguido, o persoal do Centro Integrado de Atención ás Emerxencias (CIAE) 112 Galicia requiriu a intervención de Urxencias Sanitarias de Galicia-061, dos Bombeiros de Barreiros, da Garda Civil de Tráfico, do GES da Pontenova e de Protección Civil da localidade.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo