OLLO!!!!!! Copiar PE: Imaxe con licenza Creative Commons: CB Breogán

Feijóo enxalza a traxectoria do CB Breogán e as súas 25 tempadas no cumio do baloncesto

O presidente do Goberno galego, Alberto Núñez Feijóo, enxalzou hoxe a traxectoria do Club Baloncesto Breogán, o equipo galego que máis tempadas ten estado na máxima división nacional: 6 na Primeira División e 18 na ACB que, sumadas a esta nova que emprenden, farán un total de 25 tempadas no cumio do baloncesto nacional.

Así mesmo, recordou que o Breogán é o club máis laureado da Copa Galicia de baloncesto, con 13 trofeos, a primeira delas gañada no ano 86 e a última hai escasas semanas en Ferrol. “Estamos a falar dun club histórico cheo de triunfos e superacións, que segue a formar parte da historia do baloncesto galego e nacional”, abundou.

O titular da Xunta aproveitou o acto de recepción, ante o ascenso do equipo á ACB, para reiterar o compromiso da Administración autonómica co Plan de Patrocinio de Equipos de Alta Competición de Galicia, da Fundación Deporte Galego.


Imaxe con licenza Creative Commons: CB Breogán

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com